حصريا قصيدة < كلنا دهموش > للشاعر يوسف الهواري

حصريا ولأول مرة علي منتدي عربي قصيدة < كلنا دهموش > للشاعر : يوسف الهواري
القصسدة
< كلنا دهموش >
اعرف بشر مبيختاشوش
الضحكه صفرا ع الوشوش
عاش ما بينهم دهموش
ايوه اسمه الفتى دهموش
قتلوا فرحه ومبينوش
ودفنوا حلمه ف الكروش
وحتى ساعة الدبح مكبروش
والدم سال ع العروش
خد ف وشه كل الجيوش
اصل البشر مبيختاشوش
ليه البشر مبيهمدوش
ردينا كلنا دهموش
لما اللى قتلوه مبيرحموش
وسفكوا دمه معبروش
وحتى اهله مكلموش
دارك قصور ولا عشوش
احنا بشر ولا وحوش
دهموشك يا مصر لازم يعيش
كون راجل او كون فاشوش
اصحاب الحق مبيندموش
اصحاب الحق مبيهربوش
اصحاب الحق مبيطفشوش
صاحب الحق لازم يحوش

عرفنى اسمك انا معرفوش
قوله تانى عشان منسهوش
انا وانت هو وهى ... كلنا دهموش
لما ناكل سماد مسرطن ... ومنمتوش
لما نشرب ميه علقم ... ومنزعلوش
ولما ناجى ساعة العلاوه ...
يغلوا زيتنا ......... ومنفرحوش
يبقا ........كلنا دهموش
ولما قالوا ف الحريق ...
دول صعايده ميفرقوش
ولما غرقت بينا مركب ....
معرفش اذاى نامت رموش
اصل البشر مبيختاشوش

ورفعنا اسمك يا دهموش
وعملنا ثوره تهزم جيوش
رغم الرصاص والخرطوش
اصل الجمال بعيد عنك ... مبيفهموش
اصل الجمال زى البهايم ... ميعبروش
وطلعت اهتف وانا ماسك شاكوش
اقوله مدنى يلبسللى بدله ...
اقوله مدنى يعمللى عمله ...
يرحم زمانك يا دهموش
طلعوا الديابه مبيفهموش
ولا الوحوش مبيرحموش
ولا البشر مبيختاشوش

****************

كلمات واشعار \ يوسف الهوارى
قنا 28/9/2011